Türkiyədən Çinə yola çıxan ilk ixrac qatarı dekabrın 7-də Gürcüstanın Axalkalaki şəhərinə çatıb.
“Anadolu” agentliyinin verdiyi xəbərə görə, dekabrın 4-də İstanbuldan yola çıxan qatar Türkiyənin Qars stansiyasından keçərək yerli vaxtla saat 22:30-da Kartsaki stansiyasına çatıb.
Qeyd edək ki, Bakı-Tbilisi-Qars dəmir yolu xətti və Transxəzər Şərq-Qərb dəhlizi vasitəsilə Çin istiqamətində hərəkət edən qatar ümumilikdə 8693 kilometr yol gedəcək. 2 qitə, 2 dəniz və 5 ölkədən keçən yük qatarının 12 gündə mənzil başına çatması nəzərdə tutulub.
Xatırladaq ki, ilk dəfə bu marşrut üzrə Çindən çıxan tranzit yük qatarı 2019-cu ilin noyabr ayında Praqa şəhərinə çatıb. Qatar sonradan Çin-Türkiyə-Avropa xətti üzrə 10 blokdan ibarət yüklə hərəkətdə olub. Bu dəfə isə ixrac yükü daşıyan qatar ilk dəfə Türkiyədən Çinə hərəkət edir.
