“Tesla”nın qurucusu İlon Maskın sərvəti çərşənbə günü 8,9 milyard dollar azalaraq 135,8 milyard dollar səviyyəsinə düşüb.
Banker.az bu barədə xarici KİV-ə istinadən xəbər verir.
Nəticədə milyarder dünyanın ən varlı adamları siyahısında üçüncü sıranı tutub.
Bu, “Tesla” səhmlərinin 6,99% ucuzlaşması ilə əlaqəli olub. “JPMorgan” analitikləri investorlara 21 dekabr tarixinə qədər portfellərinə daxil etməməyi tövsiyə ediblər. Qeyd edək ki, 21 dekabrda şirkət S&P 500 indeksinə daxil ediləcək.
Xatırladaq ki, bir gün əvvəl Mask ilk dəfə olaraq, siyahının ikinci pilləsinə qalmışdır. 8 dekabr tarixində keçirilən hərracların nəticəsində onun sərvəti 1,6 milyard dollar artmışdır.
Ekspertlərin fikrincə, “Tesla” səhmləri Uoll-Stritdə olduqca ziddiyyətli sayılır: analitiklərin 36%-i onları almağı, 31%-i saxlamağı və 33%-i satmağı tövsiyə edir.
