“PASHA Holding” MMC-nin törəmə şirkəti, respublikada məşhur “Umico” layihəsinin yaradıcısına maya qoyuldu.
Banker.az-ın əldə etdiyi məlumata görə, Söhbət “Competo” MMC-dən gedir.
Şirkət 2018-ci ilin sentyabr ayında təsis edilmişdir. Baş ofisi Bakıda yerləşir. İdarəedici biznes-komanda pərakəndə satış və bank sahələri üzrə Belarus, Rusiya və Ukraynanın maliyyə və rəqəmsal məhsul bazarlarında böyük təcrübəyə malik əcnəbi mütəxəssislərdən təşkil olunmuşdur.
Şirkətin nizamnamə kapitalı 4.3 milyon manat, yaxud 27.2% artırılmaqla 20.1 milyon manata qədər artırılıb.
“Competo” şirkətinin məqsədi şirkətlərə yeni həllər tapmaqda və innovativ İT layihələri və alətləri vasitəsilə öz mənfəətlərini artırmaqda kömək etməkdir. Şirkət elektron ticarət, rəqəmsal marketinq, sifarişçilərlə əlaqələrin idarə olunması (CRM) və məlumat təhlili və emalı, habelə pərakəndə satış sahəsində ödəniş texnologiyaları və İT-inteqrasiya mexanizmlərinin inkişafı sahələrində ixtisaslaşıb.
2019-cu ilin may ayında növbəti 3 il üçün planlaşdırılan rəqəmsal xidmətin birincisi olan Umico (Universal Mobil Ağıllı Bələdçi) koalisiya loyallıq bonus proqramı Azərbaycan bazarında satışa çıxarılmışdır. iOS və Android platformalarındakı Umico mobil tətbiqi müştərilərə bütün ticarət kateqoriyaları üzrə Azərbaycanın ən böyük pərakəndə satış şəbəkələrində, habelə birbaşa mal istehsalçılarından (brend sahiblərindən/distribütorlarından) alış-veriş edərkən nağd pul geri almağa (cashback) imkan verir.
Bundan əlavə, “Competo” banklar və pərakəndə şirkətlər üçün innovativ maliyyə xidmətləri və İT xidmətlərinin tətbiqi ilə biznesi inkişaf etdirməyə və qazancı artırmağa yönəlmiş xidmətlər də təklif edir. Müştərilərinin istəklərinə hər zaman həssas münasibət göstərən “Competo” aşağıdakı xidmətləri təklif edir:
- Prodakt-development
- İT-development
- Marketinq və onlayn satışlar
- Çoxkanallı satışlar
- Məlumat təhlili və emalı əsasında sifarişçilərlə əlaqələrin idarə olunması (CRM)
- Məsafədən biznes
