Dünyanın ən kiçik küçəsi olan Ebenezer Place Böyük Britaniyada yerləşir. Daha dəqiq desək, bu küçə kiçik Şotlanr şəhəri olan Wick –də yerləşir. Ebenezer Place küçəsinin uzunluğu cəmi 2,06 metrdir və sadəcə bir evin divarını əhatə edir.
Evin inşası başa çatdıqdan sonra, 1883 –cü ildə həmin ev heç bir küçəyə aid olunmadığından, bu ev üçün xüsusi olaraq bu küçəni salıblar. Beləliklə də, Ebenezer Place ən kiçik küçə adını alıb.
Lakin, buna baxmayaraq, yalnız 2006-cı ildə dünyanın ən kiçik küçəsi kimi Ginnesin Rekordlar kitabına daxil ola bilib.
