Milyarder Corc Soros İngiltərə iqtisadiyyatının problemlərindən faydalanmağı bacarıb. Banker.az bu barədə “Secretmag”a istinadən xəbər verir. İş adamı səyahət bronu “Trainline” səhmlərinin ucuzlaşmasından qazanc əldə edib.
Xatırladaq ki, daha əvvəl İngiltərə hökuməti dəmir yolu islahatını elan edib. 2023-cü ilədək cədvəl və bilet satışından məsul olan dövlət operatoru “Great British Railways” (GBR) meydana gələcək. Dövlət şirkəti vasitəsilə hökumət təxirə salma ilə mübarizə aparmağa kömək edəcəyinə ümid edir. Digər tərəfdən, islahat “Trainline” xidmətini lazımsız hala gətirəcək.
İnvestorlar bundan qorxublar və qısa zamanda səhmləri satmağa başlayıblar. Ticarət sessiyasının sonunda səhmlərin dəyəri 23% azalıb. Soros isə “Trainline” səhmlərində qısa mövqeyə sahib olub – milyarderin fondu brokerdən aldığı borc kağızları satıb.
Pandemiyadan əvvəl “Trainline” şirkətinin gəliri artıb və şirkət İngiltərə bazarında onlayn-bronlaşdırma sahəsində liderlər sırasında olub. Lakin koronavirus yayılandan sonra xidmətin xərci 141 milyon dollara çatıb.
Daha əvvəl Corc Sorosun şirkəti “ViacomCBS” mediakonqlomeratının və Çinin “Baidu” platformasının səhmlərini əldə edib.
