“Valve” şirkəti 399 dollar qiymətinə portativ “Steam Deck” konsolunu təqdim edib. Qeyd edildiyi kimi, stolüstü kompüterin qiyməti 399 dollardan başlayır.
Banker.az bu barədə “Vc.ru”ya istinadən xəbər verir.
Regional qiymətlər hələki məlum deyil. “Valve” vurğulayır ki, “Deck” konsolunda “Steam” kitabxanasında olan bütün oyunlar əlçatan olacaq, bunun üçün hesabınıza daxil olmaq kifayət edəcək.
Cihaz vasitəsilə həmçinin digər funksiyalardan istifadə etmək mümkün olacaq. Məsələn, dostlar siyahısı, söhbət otaqları, mağaza və bulud saxlamaları. “Deck” adaptasiya olunmuş “SteamOS 3.0” üzərində işləyir və “Windows” quraşdırmaq imkanını verir.
Satışa üç model çıxacaq: 64 GB (eMMC), 256 GB və 512 GB (NVMe SSD). Bundan əlavə, onların hər birində microSD üçün slot olacaq. Cihaz AMD prosessoru ilə təchiz edilib. Mərkəzi prosessor 2.4-3.5 GHz, qrafik prosessor isə 1.0-1.6 GHz tezliyi ilə işləyir.
Bundan əlavə, “Steam Deck” 7 düymlük 1280*800 ölçülü sensorlu displeylə təchiz olunub. Kompüter USB-C və 3.5 mm qulaqcıq portuna malikdir, eyni zamanda Bluetooth 5.0 və Wi-Fi funksiyalarını dəstəkləyir.
Cihazın çəkisi 669 q, ölçüləri isə 298 mm, 117 mm və 49 mm təşkil edir. “Steam Deck” konsolunun qiyməti onun yaddaş tutumuna görə dəyişir:
– 64 GB – 399 dollar;
– 256 GB – 529 dollar;
– 512 GB – 649 dollar.
2021-ci ilin dekabrında satışlar ABŞ, Kanada, Böyük Britaniya və Avropa Birliyi ölkələrində başlayacaq. 2022-ci ildən sonra siyahı daha da genişləndiriləcək. Təkrar alıcılarla mübarizə aparmaq üçün 17 iyula kimi xüsusi sistem işləyəcək. O, 2021-ci ilin iyununa qədər “Steam”də heç nə almayan istifadəçilərə öncədən sifariş üçün müraciət etməyə imkan verməyəcək.
