2021-ci ilin ötən dövrü ərzində bu proses uğurla davam etdirilib, dövlət maliyyə dəstəyi və özəl investisiya qoyuluşu hesabına iqtisadi fəaliyyətin müxtəlif sahələri üzrə 72 istehsal və xidmət sahəsi istifadəyə verilib, 49 sahənin yaradılması davam etdirilib.
Banker.az xəbər verir ki, Sahibkarlığın İnkişafı Fondu tərəfindən yeni layihələrin reallaşdırılmasına 2 milyon 303 min 478 manat kredit ayrılıb.
Kənd təsərrüfatında 76 layihənin maliyyələşdirilməsinə 2 milyon 161 min 478 manat yönəldilib.
Cari ilin əvvəlində Naxçıvan şəhərində “Cahan Sənaye Kompleksi” Məhdud Məsuliyyətli Cəmiyyəti tərəfindən istilik sistemli kombi cihazlarının istehsalı sahəsi yaradılıb.
