Türk Hava Yolları daxil reyslə səfər edənlərdən PCR test tələbini ləğv edib.
Bu barədə şirkətin baş direktoru Bilal Ekşi özünün “Twitter” hesabından bildirib.
“Səlahiyyətli orqanlarımız tərəfindən qəbul edilmiş qərara uyğun olaraq, daxili reyslərdə bütün sərnişinlərimizdən PCR testi tələbi aradan qaldırıldı. HES kodunun təqdim edilməsi (Türkiyə Səhiyyə Nazirliyi tərəfindən yoluxmuş insanların hərəkətini izləmək üçün təqdim edilən şəxsi kod – red.) kifayət edəcək”, – deyə Ekşi izah edib.
Ölkədə həmçinin daxili qatar səfərlərində də PCR test ləğv olunub. Bu barədə Türkiyə Dövlət Dəmir Yollarının (TCDD) baş direktoru Həsən Pezük sosial media hesabından bəyan edib. O da səfərlər zamanı HES kodunun kifayət etdiyini bildirib.
