Ukraynanın xarici işlər naziri Dmitri Kuleba ilə Türkiyənin xarici işlər naziri Mövlud Çavuşoğlu arasında söhbət olub, onlar Qara və Azov dənizlərindəki təhlükələri, eləcə də ikitərəfli hərbi-texniki əməkdaşlığın inkişafını müzakirə ediblər.
Bu barədə Kuleba öz Twitter səhifəsində yazıb:
“Türkiyəli həmkarım və dostum Mövlud Çavuşoğlu ilə Azov və Qara dənizlərdə Rusiyanın yaratdığı təhlükəsizlik böhranı və təhdidləri, gərginliyi azaltmağın diplomatik yolları haqqında söhbətimiz oldu. Ankaranın fəal səylərini alqışlayıram. Ukrayna ilə Türkiyə arasında hərbi-texniki əməkdaşlığın inkişafı müzakirə olunub”.
