2015-ci ilin yanvar-may aylarında Azərbaycan əhalisinin nominal pul gəlirləri 16 mlrd. 163,1 mln. manat təşkil edib ki, bu da 2014-cü ilin analoji dövrünün göstəricisindən 5,8% çoxdur.
Banker.az Dövlət Statistika Komitəsinə istinadən xəbər verir ki, hesabat dövründə əhalinin hər nəfərinə düşən nominal gəlirlər 4,5% – 1,702 min manatadək artıb.
Yanvar-may aylarında gəlirlərin 73,9%-i son istehlaka, 9,6%-i vergilər, sosial sığorta və üzvlük haqlarının, 2,5%-i kreditlər üzrə faizlərin ödənilməsinə, 14%-i əmanətlərin artırılmasına yönəldilib.
Bütün icbari və könüllü haqlar ödənildikdən sonra əhalinin sərəncamında 14,6 milyard manat həcmində və ya əvvəlki ildəkindən 5,7 faiz çox vəsait qalmışdır.
