Bu gün Milli Məclisin İqtisadi siyasət, sənaye və sahibkarlıq komitəsinin iclasında “İnvestisiya fəaliyyəti haqqında” yeni qanun layihəsi müzakirə olunub.
Parlamentin İqtisadi siyasət, sənaye və sahibkarlıq komitəsinin sədri T. Mirkişili deyib ki, yeni qanun layihəsinin əsas missiyası iqtisadiyyata investisiya qoyuluşlarını təşviq etməklə yanaşı, investorların hüquqlarını qorumaq və investisiya fəaliyyətinə qanunsuz müdaxilələrin qarşısını almaqdır.
İclasda xarici və daxili investisiya ilə bağlı suallara İqtisadiyyat Nazirinin müavini Niyazi Səfərov və nazirliyin məsul şəxsləri aydınlıq gətiriblər.
