NATO liderləri Macarıstan, Rumıniya, Slovakiya və Bolqarıstana dörd yeni döyüş qrupunun yerləşdirilməsi barəsində razılığa gəliblər.
Bunu NATO Baş katibi Yens Stoltenberg Brüsseldə alyansın Ukrayna ilə bağlı fövqəladə sammitindən sonra mətbuata açıqlamasında deyib.
O bildirib ki, bununla Baltik dənizindən Qara dənizədək NATO-nun çoxmillətli döyüş qruplarının sayı 8-ə çatacaq. Stoltenberq əlavə edib ki, xüsusilə də alyansın şərqində NATO-nun birbaşa komandasında olan 40 minlik qoşun var.
NATO rəsmisi vurğulayıb ki, Rusiyanın Ukraynanı işğalı ən böyük təhlükəsizlik təhdididir və NATO Ukraynanın özünü müdafiə edə bilməsi üçün mümkün olan hər bir dəstəyi göstərəcək.
