“Renault”un Rusiyadakı aktivləri dövlət mülkiyyətinə keçib, Banker.az xəbər verir ki, bu barədə Rusiyanın Sənaye və Ticarət Nazirliyi məlumat yayıb.
Departamentin “Telegram” kanalında qeyd edildiyi kimi, Renault qrupunun Rusiya aktivlərinin Rusiya Federasiyasına və Moskva hökumətinə verilməsinə dair müqavilələr imzalanıb.
Qeyd olunur ki, mövcud lisenziyalar çərçivəsində “AvtoVAZ” zavodlarında “LADA” avtomobillərinin bütün xəttinin istehsalı davam etdiriləcək. “AvtoVAZ” həmçinin Rusiya bazarında “Renault” avtomobillərinə satışdan sonra da xidmət göstərəcək.
