Dünya tarixində ilk dəfə olaraq qaçqınların sayı 100 milyon nəfərə çatıb, buna səbəb Ukrayna və digər ölkələrdəki hərbi münaqişələrdir, bu barədə BMT-nin Qaçqınlar üzrə Ali Komissarlığının bəyanatında deyilir.
Banker.az bu barədə “RBC”ya istinadən xəbər verir.
“Yüz milyon çox sərt rəqəmdir, eyni zamanda narahatedicidir. Bu, heç vaxt görünməyən bir rekorddur”, – deyə mesajda bildirilir.
Onun fikrincə, bu vəziyyət “dağıdıcı münaqişələrin həlli və qarşısının alınması, təqiblərə son qoyulması və günahsız insanları evlərini tərk etməyə məcbur edən əsas səbəblərin aradan qaldırılması üçün oyanış çağırışı” rolunu oynayır.
Qeyd olunur ki, 2021-ci ilin sonuna qədər dünyada məcburi köçkünlərin sayı təxminən 90 milyon nəfər artıb. Bu, Efiopiya, Myanma, Nigeriya, Əfqanıstan və Konqo Demokratik Respublikası kimi ölkələrdə münaqişənin uzanması ilə əlaqəli olub.
Təkcə Ukraynadakı müharibə 2022-ci ildə 8 milyon insanın bu ölkə daxilində didərgin düşməsinə səbəb olub.
