Banker.az saytı olaraq bu dəfə sizə Kapital Bankın İdarə Heyəti sədrinin müavini haqqında məlumat verəcəyik.
Murad Şirəliyev 1978-ci il 2 mart tarixində Bakı şəhərində anadan olmuşdur.
Təhsili
1994-1998-ci illər ərzində Azərbaycan İnşaat Mühəndisləri Universitetində təhsil almış, 2000-ci ildə isə Azərbaycan Memarlıq və İnşaat Universitetinin “İqtisadiyyat və idarəetmə” ixtisası üzrə magistr pilləsini fərglənmə diplomu ilə bitirmişdir.
O, 2001- ci ildən 2004-cü ilə qədər Azərbaycan Dövlət İqtisad Universitetində pedaqoji fəaliyyətlə məşgul olmuşdur. 2005-ci ildə isə namizədlik dissertasiyanı müdafia etmişdir və iqtisad elmləri namizədi elmi dərəcəsini almışdır.
Fəaliyyəti
Əmək fəaliyyətinə 1993-cü ildən başlamışdır. Bank sistemində 1998-ci ilin oktyabr ayından, Kapital Bankda isə 2000-ci ilin iyul ayından çalışır.
29 dekabr 2004-cü il tarixində Bankın İdarə Heyətinə üzv seçilmişdir.
24 oktyabr 2005-ci il tarixindən Bankın İdarə Heyəti sədrinin müavini vəzifəsində çalışır.
2015-ci il 22 İyul tarixində Azərbaycan Beynəlxalq Bankının İdarə heyəti sədrinin müavini təyin edilmişdir.
Rus, ingilis, fransız və alman dillərini bilir.
