“Ukrayna və Rusiya arasında danışıqlar rus siyasətçiləri öz təbliğatları altında olmayanda bərpa olunacaq”.
Bunu Ukrayna Prezident Aparatının rəhbərinin müşaviri Mixail Podolyak deyib.
“Biz düşündük ki, onların, həqiqətən, müzakirə olunan bir şey haqqında danışmaq hüququ var. Amma onların, xüsusən də danışıqlar qrupunun üzvlərinin bəyanatlarından da gördüyümüz kimi, onların təbliğatının təsiri altındadırlar”, – deyə Podolyak bildirib.
Podolyakın sözlərinə görə, danışıqlar rus elitası onların təbliğatına müraciət etməyi dayandırıb real şeylər haqqında danışmağa başlayanda başlayacaq:
“Ukraynada nə edirlər, niyə bura gəliblər və buradan necə çıxacaqlar”.
“Bu barədə danışmağa hazır olmaları üçün Ukrayna Silahlı Qüvvələri bir az da güclənməlidir və bunun üçün tərəfdaşlarımızdan istədiyimiz silahlara ehtiyacımız var. Bütün bunlar yerinə yetirildikdə, o zaman biz Ukrayna Prezidentindən mandat alacağıq və bundan sonra danışıqlar prosesi blokdan çıxacaq”, – Ukrayna rəsmisi əlavə edib.
