BMT və Avropa Komissiyası (AK) iyulun 7-8-də Nyu-Yorkda ilk yüksək səviyyəli dialoq keçirəcək.
Bu barədə BMT-nin rəsmi nümayəndəsi Stefan Düjarrik bildirib. Onun sözlərinə görə, tədbirə BMT-nin baş katibi Antonio Quterreş və Avropa Komissiyasının sədri Ursula fon der Lyayen rəhbərlik edəcək.
Mexikoda metroda yanğın olubBlinken G20 XİN rəhbərlərinin iclasında Lavrovla görüşməyəcəkAvstraliyada daşqın səbəbindən minlərlə insan təxliyə edilib, bir nəfər ölüb
“Bir neçə sessiya ərzində iştirakçılar beynəlxalq ictimaiyyətin qarşısında duran bir sıra əsas problemləri və əməkdaşlığın genişləndirilməsi yollarını müzakirə edəcəklər”, – deyə BMT rəsmisi bildirib.
O, bildirib ki, iclasda söhbət sülh və təhlükəsizlik, iqlim dəyişikliyi, insan hüquqları, rəqəmsal sferada qarşılıqlı fəaliyyət, eləcə də qlobal iqtisadiyyatdakı vəziyyətdən olacaq.
“Tərəflər həmçinin Ukraynadakı vəziyyətə o cümlədən ərzaq, enerji və maliyyə böhranına toxunacaqlar”, – deyə Düjarrik bildirib.
