Norveçin Müdafiə Nazirliyi Böyük Britaniya ilə birlikdə Ukraynaya 90 milyon kron (9.26 milyon dollar) dəyərində mikrodronlar bağışlayacaq. Nazirliyin press-relizində deyilir ki, Norveç tərəfindən hazırlanmış dronlar “kəşfiyyat hədəfi müəyyən etmək üçün istifadə olunur”.
Banker.az bu barədə “Kommersant”a istinadən xəbər verir.
Norveç daha əvvəl Ukraynanı qoruyucu vasitələr və 2000-ə yaxın tank əleyhinə silah, həmçinin qumbaraatan tədarük edib. İyun ayında Norveç hakimiyyəti Kiyevə hərbi tədarükə dair açıqlama verməyəcəyini və bunun təhlükəsizliklə əlaqəli olduğunu deyib.
