“Sun Food” MMC-nin Azərbaycan Respublikasının Qida Təhlükəsizliyi Agentliyinə (AQTA) müraciəti əsasında, müxtəlif növ süd və süd məhsulları “Təmiz Sumqayıt-Kənan” MMC-yə məxsus tullantıların zərərsizləşdirilməsi poliqonunda məhv edilib.
Banker.az bu barədə AQTA-ya istinadən xəbər verir.
Agentlikdən verilən məlumata görə, məhv edilmiş məhsullar istehlaka yararsız və istifadə müddəti bitmiş olub. Onların ümumi çəkisi 34.29 ton təşkil edib.
