Saat 16:45 — Brent markalı xam neftin bir barreli bir qədərdə bahalaşaraq barreli 91.63 dollar olub. Bu da sessiya ərzində 1.80, yaxud 2% bahalaçma deməkdir.
Saat 09:02 — Neft, qışa doğru gedən tədarüklə bağlı narahatlıqlar fonunda qlobal tənəzzül qorxusunu ört-basdır edir. Qiymət əvvəlki sessiyada 1% gerilədikdən sonra cümə axşamı günü yenidən bahalaşdı.
Brent markalı neftin fyuçersləri 50 sent və ya 0.6% artaraq 07:30 radələrinə qədər bir barel üçün 90.33 dollara yüksələrək Asiya ticarətinin əvvəlində olan itkilərini geri qaytardı. ABŞ-ın WTI xam nefti 45 sent artaraq 83.39 dollara çatıb.
Dünən ABŞ Federal Ehtiyat Sisteminin inflyasiyanı cilovlamaq üçün faiz dərəcələrini 75 baza bənd artırmasından və borclanma xərclərinin bu il də artmağa davam edəcəyinə işarə etdikdən sonra hər iki fyuçers çərşənbə günü təxminən iki həftənin ən aşağı səviyyəsinə düşüb.
“Haitong Futures” analitikləri bildiriblər ki, bazar faiz artımı gözləntilərinə uyğun qiymət verib və FED-in açıqlaması çox sürpriz yaratmayıb.
Rusiya prezidenti Vladimir Putin dünən Ukraynada döyüşmək üçün 300 min ehtiyatda olan hərbçini çağırıb və ölkənin bəzi hissələrini ilhaq etmək planını dəstəkləyib ki, bu da münaqişəni gərginləşdirib və geosiyasi qaçqın riskini daha da gücləndirib.
Bu arada, bəzi Çin neft emalı zavodları daha güclü tələbi və xam neftə tələbatı artıra biləcək Pekinin yanacaq ixracı siyasətinin potensial tərsinə çevrilməsini gözləyərək, oktyabr ayında istehsal həcmini artırmağı düşünür.
“Neft qiymətləri inventar ehtiyatlarının yığılması və pisləşən iqtisadi qənaəti səbəbindən satış təzyiqi altında qalır”- deyə, “Citi” analitikləri qeyd edirlər.
ABŞ-ın xam neft ehtiyatları sentyabrın 16-na kimi həftə ərzində 1.1 mln. barel artaraq 430.8 milyon barelə çatıb ki, bu da gözlənilən 2.2 milyon barrel artımla bağlı gözləntilərindən azdır.
Dollar bahalaşır və bu da bir çox valyutaları ucuzlaşdırdığından, nefti də dollarla aldıqları üçün bu əmtəəni onlara daha baha edir. Dollar indeksi dünən digər valyutalar səbəti qarşısında son 20 ilin ən yüksək səviyyəsinə çatdırıb.
Əlamətdar hadisələrdən biri də Almaniyanın qaz idxalçısı “Uniper”i milliləşdirməsdir.
