Yaxın 18 ayda təxminən 20-30 xarici kredit təşkilatı da daxil olmaqla, 50 bank Rusiya bazarından çıxacaq.
Banker.az xəbər verir ki, bunu Analitik Kredit Reytinq Agentliyinin (ACRA) Baş icraçı direktoru Mixail Suxov “İzvestiya”ya müsahibəsində deyib.
Suxov deyib ki, ilin sonuna kimi 10-a yaxın bank bazarı tərk edəcək, gələn ilin sonuna qədər isə daha 30-40 oyunçu bazarı tərk edəcək. Yaxın il yarım ərzində 50 bank müxtəlif obyektiv səbəblərdən bazardan çıxacaq. O, əlavə edib ki, ölkədəki kredit təşkilatlarının sayı 300-ə yaxın ola bilər.
