Naxçıvan Muxtar Respublikasında 2022-ci ilin yanvar-oktyabr aylarında 2 milyard 446 milyon 943 min 500 manatlıq ümumi daxili məhsul istehsal olunub ki, bu da 2021-ci ilin müvafiq dövründəki göstəricidən 2.6% çoxdur.
Banker.az bu barədə Naxçıvan MR Dövlət Statistika Komitəsinə istinadən xəbər verir.
Komitənin təqdim etdiyi hesabata əsasən, hər bir nəfərə düşən ümumi daxili məhsulun həcmi 2021-ci ilin müvafiq dövrü ilə müqayisədə 3.4% artaraq 5272.4 manat olmuşdur.
Xatırladaq ki, bu dövrdə Azərbaycandakı ÜDM artımı 5.2% olub.
