Misir və Suriyanın dövlət başçıları arasında 2014-cü ildən bəri ilk dəfə təmas qurulub.
Misir prezidenti Əbdülfəttah əs-Sisi başsağlığı vermək üçün Suriya prezidenti Bəşər Əsədə zəng edib.
Bu, iki ölkə lideri arasında son 9 ildə baş tutan ilk danışıq olub.
Əbdülfəttah əs-Sisi suriyalı həmkarına yüzlərlə insanın həyatına son qoyan güclü zəlzələnin nəticələrindən üzüldüyünü bildirib.
Telefon danışığı zamanı əs-Sisi Misirin bu ağrılı fəlakətdə Suriya və onun qardaş xalqı ilə həmrəy olduğunu söyləyib. Misirli siyasətçi Suriyaya lazımi yardımı göstərməyə hazır olduğunu vurğulayıb.
