Azərbaycan Respublikası Dövlət Neft Fondu (ARDNF) Azəri-Çıraq-Günəşli (AÇG) və Şahdəniz yataqları üzrə 2023-cü ilin ilk iki ayında 1 mlrd. 324 mln. ABŞ dolları həcmində gəlir əldə edib.
Bu barədə Banker.az Fondun açıqlamasına istinadən xəbər verir.
Ötən ilin eyni dövründə 1 mlrd. 307 mln. ABŞ dolları AÇG və Şahdənizdən gəlir əldə edilmişdi.
Qeyd edək ki, AÇG-də pay bölgüsü bu nisbətdədir: BP – 30,37% (operator), AzACG (SOCAR) – 25,00%, MOL – 9,57%, “Inpex” – 9,31%, “Equinor” (keçmiş “Statoil”) – 7,27%, “ExxonMobil” – 6,79%, TPAO – 5,73%, “Itochu” – 3,65% və “ONGC Videsh Ltd.” (OVL) – 2,31%. Tərəflər arasında razılaşma 30 il müddətinə etibarlı olub (2024-ci ildə başa çatmalı idi). Buna baxmayaraq, 2017-ci il sentyabr ayının 14-də Azərbaycan hökuməti və SOCAR, beynəlxalq tərəfdaş şirkətlərlə birlikdə AÇG-nin birgə işlənməsi və Hasilatın Pay Bölgüsü haqqında dəyişdirilmiş və yenidən işlənmiş saziş imzalayıblar. AÇG-nin 2050-ci ilə qədər inkişafını əhatə edən yeni müqavilə əsrin ortalarınadək blokun inkişaf potensialını əhəmiyyətli dərəcədə artırmağa imkan yaradacaq.
🇦🇿#ARDNF-nin #AÇG və #Şahdəniz üzrə 01.03.2023 tarixinə gəlirləri
🇬🇧#SOFAZ's revenues from #ACG and Shah Deniz – as of March 01, 2023 pic.twitter.com/SgNxVzc8mX
— Azərbaycan Respublikası Dövlət Neft Fondu (@SOFAZOfficial) March 3, 2023
