Notion AI – riyazi məsələləri həll edə, sosial şəbəkələr üçün mətn və esselər yaza biləcəyiniz neyron şəbəkədir. “Notion”un yaradıcısı İvan Zhao hesab edir ki, onun məhsulu 2 böyük vəzifəni yerinə yetirir:
– Strukturlaşdırılmış mətnlərin yazılması (rəsmi və hüquqi sənədlər).
– İstənilən yaradıcı mətnlərin yazılması (kompozisiya, esse, ssenari).
Başa düşmək vacibdir ki, “Notion AI” dərhal istifadə edə biləcəyiniz mətnlər yazmır. Hər hansı AI-də olduğu kimi, burada da redaktəyə ehtiyac olur, lakin yenə də xidmət sizə vaxta qənaət etməyə kömək edir.
Notion AI nələri bacarır?
Neyron şəbəkənin bütün funksiyaları mətnlərin yazılması ilə əlaqəli deyil, lakin bu, siyahının böyük bir hissəsidir. “Notion” sizə aşağıdakı mətn formalarını yazmaqda yardımçı ola bilər:
– bloq yazılar;
– press-reliz;
– sosial mediada post;
– şeir;
– iclaslarda müzakirə mövzusu;
– mətnlər üçün struktur;
– siyahı;
– iş təsvirləri;
– satış məktubları.
“Brainstorm” funksiyası
Mahiyyət ondan ibarətdir ki, siz süni intellekt üçün mətnin əsas ideyasını yazırsınız və “Notion” məzmunun budaqlanması üçün mövzular təklif edir ki, bu da müəyyən bir mövzu ilə bağlı mətnin səriştəsini artırır.
Açıq mövzu
“Notion” həmçinin bir cümləni arqumentlər və maraqlı faktlarla genişləndirə bilir. Postunuzun nə haqqında olması lazım olduğunu bilirsinizsə, lakin mövzu ilə bağlı kifayət qədər məlumat tapa bilmirsinizsə, bu funksiya sizə kğmək edəcək.
Tərcüməçi
“AI Assist”in kontekst menyusu ilə siz mətnləri digər dillərə tərcümə edə bilərsiniz. Bu funksiyanı işə salmaq üçün mətndə bir neçə sözü və ya cümləni seçməlisiniz.
Qrammatika və orfoqrafiya
Bu funksiya da “Ai Assist” kontekst menyusunda yerləşir. Menyuda “Düzgün yazım və qrammatika”nı seçməlisiniz.
Axtarış
Bu, mətn yazmaqla birbaşa əlaqəsi olmayan bir neçə funksiyadan biridir. İstifadəçi süni intellektə sual verir və ona cavab olaraq hansı məlumatın öyrənilməli olduğu barədə qısa xülasə və müvafiq resurslara keçid alır.
Funksiyanı aktivləşdirmək üçün “Seçim” sahəsinə istədiyiniz sorğu ilə birgə “/ help write” komandasını daxil etməlisiniz.
Notion AI-dən necə istifadə etməyə başlamaq olar?
“Notion AI” hazırda alfa mərhələsindədir. Məhsula daxil olmaq üçün xidmətin saytında sorğu yaratmalısınız.
Bundan sonra siz növbədəki mövqeyinizlə elektron bilet alacaqsınız.
Hazırda “Notion”dan istifadə pulsuzdur və çox güman ki, neyron şəbəkənin öyrənmə mərhələsində olduğu müddətdə belə olacaq.
Giriş əldə etdikdən sonra onu “Notion”un iş sahəsinə daxil etməlisiniz. Bunu etmək üçün parametrlər və üzvlər → təkmilləşdirmək (update) → yeniləmək (pulsuz tarifdən istifadə edirsinizsə) → “Enable Notion AI” düyməsini sürüşdürərək aktivləşdirin.
Daha sonra istədiyiniz formatı seçərək yeni səhifə yaradın.
Nəticə
“Notion AI” – hazır məhsul deyil. Onun alfa versiyada hələ çox qalacağı gözlənilir. Lakin bu, süni intellekt sahəsində orijinal görünən və sensasiyalı “ChatGPT” ilə rəqabət apara bilən bir neçə layihədən biridir.
