“Avro-Asiya İnşaat Korporasiyası “Evrascon” Açıq Səhmdar Cəmiyyətinin dövlət qarşısında vergi borcunun olduğu məlum olub.
Bu barədə Banker.az-ın İqtisadiyyat Nazirliyi yanında Dövlət Vergi Xidmətinin məlumat bazasından etdiyi rəqəmlər deyir.
Məlumata əsasən, “Evrascon” ASC-nin 2 303 319.96 manat vergi borcu var.
Bildirək ki, bu borclar barədə son məlumat 7 may 2023-cü il tarixinə qədər olandır.
“Evrascon” ASC 30 aprel 2003-cü ildə qeydiyyata alınıb. Şirkətin nizamnamə kapitalı 377 290 manatdır və qanuni təmsilçisi Həmzət İsmiyev İsmayıl-Əfəndiyeviçdir.
