Azərbaycanda iki sığorta şirkətinin “Yaşıl Kart” lisenziyası ləğv edilib.
Bu barədə İcbari Sığorta Bürosundan bildirilib. Belə ki, daha öncə könüllü qayda avtomobillərin icbari sığortası üzrə (NVMMİS) fəaliyyət göstərməkdən imtina edən “AzSığorta” və “İpək Yolu Sığorta” şirkətlərinin indi də Yaşıl Kart Sistemi çərçivəsində fəaliyyət göstərmək hüququ ləğv edilib.
Bununla da “Yaşıl Kart” üzrə fəaliyyət göstərən sığorta şirkətlərinin sayı 14-dən 12-yə enib. Bunlar “Atasığorta”, “Atəşgah”, “A-Qroup Sığorta”, “Azərbaycan Sənaye Sığorta”, “Azərsığorta”, “Bakı Sığorta”, “Günay Sığorta”, “Meqa Sığorta”, “Naxçıvansığorta”, “PAŞA Sığorta”, “Qala Sığorta” və “Xalq Sığorta” şirkətləridir.
