Yeni Zelandiyanın mərkəzi bankı faiz dərəcələrini 25 baza bəndi artırdı və gözlənilmədən inflyasiyanın cilovlamaq üçün monetar siyasətin daha da sərtləşdirilməsinə ehtiyac olmayacağını xəbər verdi. Bu da ölkənin valyutasının dəyər itirməsinə səbəb olub.
Banker.az xəbər verir ki, Yeni Zelandiya Ehtiyat Bankının (RBNZ) Pul Siyasəti Komitəsi çərşənbə günü Vellinqtonda rəsmi nağd pul (uçot faiz) dərəcəsini 5.25%-dən 5.50%-ə qaldırıb. Bu da əksər iqtisadçılar tərəfindən gözlənildiyi artımdır.
RBNZ-nin proqnozları, 2024-cü ilin üçüncü rübündə başlayan kəsimlərlə uçot faiz dərəcəsini indi zirvəyə çatdığını göstərdi.
“Kivi” kimi tanına Yeni Zelandiya dolları (NZD) 1.3% ucuzlaşmaqla mayın 2-dən bəri ən aşağı səviyyəyə 0.6169 səviyyəsinə düşdü. Çünki treyderlər pul komitəsinin bu faizləri inflyasiyanı söndürmək üçün artırmayacağı siqnalı təəccüblə qarşılanır. Bu siyasətə həssas olan 2 illik istiqrazların gəlirliyi altı ayın minimumuna düşdü.
Yeni Zelandiya faiz artımı miqyasında hətta ABŞ FED-ini də geridə qoyub. RBNZ kəskin inflyasiya partlayışını cilovlamağa çalışır və Çərşənbə günü sərtləşdirməyə son qoymaq qərarı onun indi istehlakçı qiymətlərini soyutmaq üçün siyasətdəki geriləmələrə arxalandığını göstərir.
