“Forbes” 2022-ci il üçün dividendlərə görə ən zəngin 50 rusiyalının reytinqini açıqlayıb. Reytinqə jurnalın dividend gəlirini 156 milyard rubl qiymətləndirdiyi “LUKOIL” şirkətinin həmsahibi Vahid Ələkbərov başçılıq edir. Reytinq iştirakçılarının ümumi gəliri 1.39 trilyon rubl olaraq qiymətləndirilib.
Banker.az bu barədə Kommersant-a istinadən xəbər verir.
“Forbes” 2022-ci ildə 13 rusiyalı milyarderin sərvətinin azaldığını, ümumilikdə 8.5 milyard dollar itirdiyini bildirib. Nəşrin məlumatına görə, ən böyük itkiyə Pavel Durov məruz qalıb – iş adamının sərvəti 3.6 milyard dollar azalıb.
