“Danone” şirkəti Rusiyadakı biznesin payını ölkənin Federal Əmlakın İdarə Olunması Agentliyinə ötürmək qərarını nəzərdən keçirir.
Bu barədə TASS məlumat yayıb.
Fransa istehsalçısı yaydığı məlumatda qeyd edib ki, “Danone Russia”nın səhmdarı kimi öz hüquqlarını qorumaq və bütün maraqlı tərəflərin, xüsusən də işçilərin maraqları naminə biznesin davamlılığını təmin etmək üçün bütün lazımi tədbirləri görməyə hazırdır.
Xatırladaq ki, Rusiyanın Ukraynaya təcavüzündən sonra qüvvəyə minən sanksiyalar nəticəsində tanınmış xarici şirkətlərin mütləq əksəriyyəti Rusiya bazarını tərk edib.
