Avqustda Azərbaycanda fiziki şəxslər üçün təqdim edilən ən sərfəli müddətli əmanətlərin hansı bankda olduğu məlum olub.
“kredit.banker.az“ın monitorinqinə əsasən, ən çox illik gəlirlilik təklif edən müddətli manat əmanətlər “Bank of Baku”, “Unibank” və “Yelo Bank”dadır. Bu banklar 10.5% illik gəlirlilik təklif edir.
Monitorinq 2 avqust 2023-cü ildə aparılıb.
Qeyd edək ki, 1 fevral 2023-cü ildən depozitlər vergiyə cəlb edilir. Faiz gəlirlərinin 10%-i dövlətə ödənir. Belə olan halda 10.5% gəlirlilik təklif edən depozitin xalis gəliri 9.45%-dir.
“kredit.banker.az” Azərbaycanda fəaliyyətdə olan bank, BOKT və sığorta şirkətlərinin ümumi məhsul katoloqunu təqdim edən platformadır. Buradan hazırda məhsulların müqayisəsini aparmaqla bərabər, onlayn sifariş də mümkündür.
