Qazaxıstan hakimiyyəti ölkədən mayeləşdirilmiş neft qazının ixracına müvəqqəti qadağa qoymağı planlaşdırır.
Bu barədə TASS Qazaxıstanın energetika naziri Almasadam Satkaliyevin ictimai müzakirə üçün dərc edilmiş müvafiq əmr layihəsinə istinadən məlumat yayıb .
“Qazaxıstan Respublikası ərazisindən mayeləşdirilmiş neft qazının və butanın üç il müddətinə avtomobil nəqliyyatı ilə, altı ay müddətinə dəmir yolu ilə ixracına qadağa qoyulsun”, – sənəddə deyilir.
Qeyd olunur ki, qadağa Qazaxıstan Prezidenti tərəfindən təsdiq edilmiş hasilatın pay bölgüsü sazişi və ya yerin təkindən istifadə müqaviləsi əsasında hasil edən yer təki istifadəçilərinin mayeləşdirilmiş neft qazının ixracını əhatə etməyəcək.
Energetika Nazirliyi izah edib ki, sərəncam layihəsinin məqsədi daxili bazarı mayeləşdirilmiş neft qazı ilə təmin etməkdir. Onlar qeyd ediblər ki, bu il daxili bazarda bu yanacağın istehlakı əvvəlki ilə müqayisədə 28 faiz artıb.
Qazaxıstan operatoru QazaqGaz daha əvvəl bildirmişdi ki, tərəflərin may ayında razılaşdığı Rusiya qazının Qazaxıstan ərazisi vasitəsilə Özbəkistana tədarükü 2023-cü ilin oktyabrında başlayacaq.
