İran istehsalı olan “Tolou-3” peyki İran ilinin sonunda (19 mart 2024-cü il) orbitə çıxarılacaq.
Bu barədə elektron sənaye naziri, kontr-admiral Əmir Rastehari bildirib.
İran Kosmik Agentliyinin (ISA) sifarişi ilə görüntülərin qəbulu üçün nəzərdə tutulan və Iran Electronics Industries tərəfindən istehsal olunan “Tolou-3” peyki 2023-cü ildə təqdim edilib.
Çəkisi 150 kiloqram olan “Tolou-3” İranda istehsal olunan ən ağır peyk hesab olunur.
İranın elmi şirkətlərinin avadanlıqlarına əsaslanan peyk Yer kürəsindən 500 kilometr yüksəklikdə orbitə çıxarılacaq.
