ABŞ dövlət katibi Entoni Blinken şənbə günü Çinin xarici işlər naziri Van İ ilə telefon danışığında Yaxın Şərqdə sabitliyin qorunmasının və digər tərəflərin İsrail-Fələstin münaqişəsinə girməsinin qarşısının alınmasının vacibliyini müzakirə edib.
Bu barədə Dövlət Departamentinin danışıqların yekunlarına dair yaydığı məlumatda deyilir.
“ABŞ Administrasiyasının İsraili dəstəkləmək və radikal HƏMAS hərəkatının terror hücumlarını pisləmək üçün intensiv diplomatik səylərinin bir hissəsi olaraq, dövlət katibi ABŞ-ın İsrailin özünümüdafiə hüququna dəstəyini təkrarladı və HƏMAS-ın hücumlarını dərhal dayandırmağa və onların azad edilməsinə çağırdı. Dövlət katibi regionda sabitliyin qorunmasının və digər tərəflərin münaqişəyə girməsinin qarşısının alınmasının vacibliyini müzakirə edib”, – sənəddə qeyd olunur.
Söhbət zamanı tərəflər açıq rabitə kanallarının saxlanmasının və ABŞ və Çin arasında münasibətlərin məsuliyyətli idarə olunmasının vacibliyini qeyd ediblər.
