“Instagram” sosial şəbəkəsi yeni funksiyanı sınaqdan keçirməyə başlayıb. Məlumata görə, bundan sonra yalnız verifikasiyadan keçmiş və mavi işarə almış istifadəçilərin postları lentdə dərc olunacaq.
Xatırladaq ki, mavi işarə almaq üçün siz “Meta Verified” xidmətinə abunə olmalısınız. Abunəlik veb üçün ayda $11.99, mobil proqram üçün isə ayda $14.99 təşkil edir.
İyun ayında “Meta” bütün dünyada “Instagram” kanallarını istifadəyə verib. “Gələnlər qutusu” bölməsində “Təklif olunan kanallar” bölməsi mövcuddur. Bu təkliflər istifadəçinin şəxsi maraqlarına, məzmun yaradıcıları ilə qarşılıqlı əlaqəsinə və fəaliyyətinə əsaslanır.
