“Azəbaycan Dəmir Yolları” QSC (QSC) Multimodal Nəqliyyat Platformasının yaradılması üçün Rəqəmsal İnkişaf və Nəqliyyat Nazirliyi ilə sıx əməkdaşlıq edir.
Bunu müsahibəsində ADY-nin Baş rəqəmsallaşdırma inzibatçısı, rəqəmsal inkişaf departamentinin müdiri Andrey İskriç bildirib.
“Təbii ki, ADY də öz növbəsində ölkəmizdən keçən beynəlxalq nəqliyyat marşrutlarını daha cəlbedici təşviq etmək üçün yük operatorlarına rəqəmsal xidmətlərini təklif edir. Biz əsasən Orta Dəhliz üzrə bazar iştirakçıları ilə birgə çalışırıq. Xüsusilə, Multimodal Nəqliyyat Platformasının yaradılması üçün Rəqəmsal İnkişaf və Nəqliyyat Nazirliyi ilə sıx əməkdaşlıq edirik, eləcə də mövcud 2 P.L. + səviyyəsində fəaliyyət göstərən logistika şirkətləri ilə inteqrasiya olunmuş məlumat mübadiləsini həyata keçiririk”, – Andrey İskriç qeyd edib.
Onun sözlərinə görə, ADY SMART əməliyyat sistemimiz isə müştərilərimiz üçün təklif etdiyimiz innovativ həllərdən biridir. Gəlirlərə nəzarət və yerlərdə əməliyyatların səmərəli təşkili üçün ADY SMART unikal tətbiqdir. Bu innovativ həll vasitəsilə biz Azərbaycan ərasinzində bütün stansiyalarda baş verən əməliyyatları şəffaf izləyə bilirik. Sual yarana bilər ki, bəs bu tətbiq biznes müştərilərinizə nə vəd edir? Əvvəllər müştərilərimiz sifarişlərini kağız qaimələrlə təqdim edirdilərsə hazırda kağız sərfiyyatı tamamilə aradan qaldırılıb, bütün sövdələşmələr ADY SMART üzərindən aparılır. Bu tətbiqdən istifadə qaydaları ilə bağlı yük sahiblərinə müvafiq təlimlər də təşkil etmişik. Tətbiq vasitəsilə müştəri öz kabinetini yaradır, sifarişlərini onlayn qaydada həyata keçirir və vaxta qənaət edir.
Ən vacib addımlardan biri də ADY SMART-ın tərəfdaşlarımızın əməliyyat sisteminə uğurla inteqrasiya olunmasıdır. Sistem eyni zamanda gömrük sisteminə inteqrasiya olunmuş, vahid elektron qaimə vasitəsilə müştəri ilə ADY və gömrük orqanları arasında səmərəli əməkdaşlıq platforması yaradılıb.
