“Fitch Ratings” beynəlxalq reytinq agentliyi 2023-2024-cü illərdə neftin qiymətləri, eləcə də gələn il və 2026-cı ildə Avropada təbii qazın qiyməti ilə bağlı proqnozunu artırıb.
Agentlik bildirir ki, neft qiymətlərinə yenidən baxılması OPEC+ alyansının tədarük həcmini ciddi nəzarət altında saxlamağa davam etməsi ilə bağlıdır. Analitiklər qaz qiymətlərinin orta müddətli perspektivdə kifayət qədər yüksək qalacağını proqnozlaşdırırlar, çünki Qətər və ABŞ-da yeni layihələrlə bağlı qlobal mayeləşdirilmiş qaz ixrac imkanlarında əhəmiyyətli artımlar 2026-cı ilə qədər baş verməyəcək.
Eyni zamanda ekspertlər Amerikanın “Henry Hub”ında qazın qiyməti ilə bağlı əvvəlki təxminlərini olduğu kimi saxlayıblar. “ABŞ-ın qaz hasilatının artımı istehlak artımını üstələməkdə davam edir, baxmayaraq ki, fərq gözlədiyimiz kimi daralıb”, – ekspertlər vurğulayırlar.
ABŞ-da qaz qazma qurğularının sayı bir il əvvəl təxminən 160 idisə, bu il 118-ə düşüb. Bu, istehsalın artımının yavaşlamasına səbəb olacaq, lakin müəyyən geriləmə ilə. Onlar həmçinin qeyd edirlər ki, “Henry Hub”ın qiymətləri çox dəyişkəndir və hava şəraitindən asılıdır. Ən azından qısa müddətdə belə qalacaqlar.
