“Ölkədə tıxac və digər nəqliyyat infrastrukturu problemlərinin həlli üçün diaqnostika aparılıb. Buna beynəlxalq mütəxəssislər də dəvət edilib”.
Bunu Milli Məclisin İqtisadi siyasət, sənaye və sahibkarlıq komitəsində keçirilən ictimai dinləmədə rəqəmsal inkişaf və nəqliyyat nazirinin müavini Rəhman Hümmətov deyib.
Nazir müavini bildirib ki, keçən ildən artıq problemin həlli üçün addımlar atılmağa başlayıb: “Biz nə qədər çox yol yaradırıqsa, ölkəyə daha çox avtomobil cəlb olunur”.
Rəhman Hümmətov bildirib ki, taksilərlə bağlı problemlərin həlli üçün yaxın günlərində yeni qərar qəbul olunacaq: “Əvvəllər aidiyyəti qurumlarla birlikdə hər hansı qərarın razılaşdırılmasına aylar sərf edirdiksə, indi Şurada keçirilən 4 iclasda çox mühüm qərarların qəbuluna nail ola bilmişik. Son iclaslarımızdan birində avtobus şəbəkəsinin təsdiq edilməsi ilə bağlı qərarımız olub. Velosiped və skuter yolları ilə bağlı da yeni qərarımız olub”.
