“Bank of Baku”da yeni təyinat olub.
Banker.az xəbər verir ki, Aslanov Ceyhun Yusif oğlu “Bank of Baku”nun Proqramlaşdırma departamentinin direktoru vəzifəsinə təyin olunub.
Ceyhun Aslanov 2003-2007-ci illərdə Bakı Dövlət Universitetinin Tətbiqi riyaziyyat fakültəsi üzrə bakalavr, 2008-2012-ci illərdə isə İstanbul Texniki Universitetində Kompüter mühəndisliyi ixtisası üzrə magistr dərəcələrinə yiyələnib.
C.Aslanov 2011-2012-ci illərdə HP şirkətinin İstanbul Texniki Universitetindəki ofisində proqramçı kimi çalışıb. Paralel olaraq Data mining, Bioinformatika sahələrində elmi araşdırmalar aparıb.
O, 2012-2014-cü illərdə GNİ software şirkətində proqramçı olaraq çalışıb.
Dövlət İpoteka Fondu, Dəmirbank, Expressbank, Atabank, Bank of Azerbaijan-da GNİ bank əməliyyat sisteminin tətbiqində aktiv şəkildə iştirak edib.
2014-2018-ci illərdə “Bank of Baku”da İT auditor, sonra isə proqramçı kimi çalışıb.
2018-2024-cü illərdə “Kapital Bank” tam daxili bank əməliyyat sisteminin yazılmasında və tətbiqində iştirak edib. Son 5 ildə həmin sistemə rəhbərlik edib.
