20 C
Baku
Saturday, September 21, 2024

Bu il “Tengiz” yatağından nəql olunan neftin həcmi açıqlanıb

Bu ilin yanvar-iyul aylarında “Tengiz” yatağından 16 milyon tona yaxın neft nəql edilib.

Bu barədə Xəzər Boru Kəməri Konsorsiumunun (CPC) məlumatında bildirilir.

“Bu gün Atırauda CPC-nin baş direktoru Nikolay Qorban və “Tengizchevroil” şirkətinin marketinq və nəqliyyat üzrə baş meneceri Lori Sasko arasında işgüzar görüş keçirilib. Tərəflər “Tengiz” yatağından neftin Tengiz-Novorossiysk kəməri ilə nəqlinə dair cari və gələcək müraciətlərin bu il yataqda aparılan təmir işləri nəzərə alınmaqla icrasını müzakirə ediblər”, – məlumatda bildirilib.

Xatırladaq ki, bu il CPC təxminən 65,2 milyon ton Qazaxıstan nefti nəql etməyi planlaşdırır.

2023-cü ildə CPC 63,47 milyon ton neftin (artım 8,1 %) nəqlini və ixracını təmin edib.

Uzunluğu 1,5 min km olan CPC Qərbi Qazaxıstan yataqlarını Rusiyanın Qara dəniz sahilləri ilə birləşdirir, burada neft CPC dəniz terminalı vasitəsilə tankerlərə yüklənir. Konsorsiumun ən böyük səhmdarları arasında Rusiya (“Transneft”), Qazaxıstan (“Kazmunayqaz”), “Chevron”, “Lukoil”, “ExxonMobil”, “Rosneft” və “Shell” şirkətləri var.

MənbəREPORT
Son xəbərlər
Digər xəbərlər