Amerikanın “Apple” korporasiyası AirPods 4 simsiz qulaqlıqlarının yeni modellərini iki versiyada buraxa bilər: birində səs-küyün aradan qaldırılması funksiyası olacaq, digərində isə yox. Bu barədə şirkət daxilindəki mənbələrə istinadən “9to5Mac” məlumat yayıb.
Qeyd olunur ki, sadə AirPods 4 indiki AirPods 2, orta seqmentli versiya isə AirPods 3 modelini əvəz edəcək. AirPods 2 qulaqlıqları ilk dəfə 2019-cu ildə buraxılıb və hazırda 129 dollara satılır. AirPods 3 isə ilk dəfə 2021-ci ildə təqdim edilib və hazırda 179 dollara satılır.
Cihazlar USB-C konnektorunu dəstəkləyəcək. “Apple” həmçinin AirPods 4 ilə əlaqəli olmayan AirPods Pro 3 qulaqlıqlarını buraxmaq niyyətindədir.
