ABŞ İsrailə edilən hücuma cavab olaraq İran ərazisindəki bir sıra hədəflərə hücumdan imtina edəcəyi təqdirdə İsrailə təzminat ödəməyi təklif edib.
Bu barədə İsrailin “Kan” dövlət televiziya və radio şirkəti xəbər verib.
“Danışıqlar zamanı amerikalı rəsmilər israilli həmkarlarına geniş diplomatik dəstək və əlavə hərbi yardım təklif ediblər”, – deyə nəşrin məlumatında bildirilir.
Yüksək rütbəli İsrail rəsmisinin sözlərinə görə, İsrail ABŞ ilə məsləhətləşmələr aparsa da, Tehranın təcavüzünə konkret necə cavab verəcəyinə qərar vermək hüququnu özündə saxlayır.
Bundan əvvəl İsrailin müdafiə naziri Yoav Qalant lazım gələrsə, İranın nüvə obyektlərinə zərbələr endirməyə hazır olması barədə danışıb. Onun sözlərinə görə, ölkə yaxın və uzaq məsafədən hədəfləri vurmaq imkanlarına malik olduğunu sübut edib.
