Azərbaycan Dövlət Gömrük Komitəsinin verdiyi məlumata görə, yanvar-sentyabr aylarında Azərbaycan ilə Rusiya arasında ticarət dövriyyəsi 3.499 milyard dollar təşkil edib.
Hesablamalara görə, doqquz ayda Azərbaycan məhsullarının Rusiyaya ixracı 0.5% azalaraq 859.311 milyon dollar olub. Eyni dövrdə Rusiyadan mal idxalı 16.3% artaraq 2.639 milyard dollara çatıb.
Hazırda Rusiya Azərbaycanın ticarət tərəfdaşları arasında İtaliya və Türkiyədən sonra üçüncü yerdədir. Yanvar ayından Azərbaycanın xarici ticarət dövriyyəsinin 10.14%-ni Rusiya ilə ticarət əməliyyatları təşkil edib.
2023-cü ildə iki ölkə arasında ticarət dövriyyəsi illik ifadədə 17.5% artaraq 4 milyard 358 milyon dollara çatıb. Oktyabrın 8-də MDB sammitindən əvvəl Kremldə Vladimir Putin Azərbaycan Prezidenti İlham Əliyevlə danışıqlar aparıb. O, Rusiyanın Azərbaycan iqtisadiyyatına yatırdığı birbaşa investisiyaların 4.5 milyard dollar olduğunu açıqlayıb.
