2024-cü ilin yanvar-sentyabr aylarında ölkə ərazisində 14 244.8 ton həcmində polietilendən kisə və çantalar istehsal edilib.
Banker.az DSK-ya istinadən xəbər verir ki, illik müqayisədə istehsal 25.8% çoxdur.
01.10.2024-cü il vəziyyətinə hazır məhsul ehtiyatı 302 ton təşkil edir.
Kimya sənayesi məhsullarından rezin və plastik kütlə məmulatlarından polietilendən başqa, digər plastmas kisələr və çantalar istehsalı 3 dəfə, məsaməli plastik kütlədən sair plastinlər, lövhələr istehsalı 45.2%, plastmas butulkalar, flakonlar və oxşar məmulatlar istehsalı isə 17.8% artıb.
