Avro cümə günü Avrozonada biznes aktivliyinin azalması (PMI) ilə bağlı məlumatlardan sonra iki ilin ən aşağı səviyyəsinə düşüb. Bu, bazarların Avropa Mərkəzi Bankı (ECB) faiz dərəcələrinin azaldılmasına dair proqnozlarını artırmasına səbəb oldu, eyni zamanda, bitcoin 100 min dollara yaxın rekord həddə çatdı.
Banker.az xəbər verir ki, avro 1%-dən çox ucuzlaşaraq 2022-ci ilin noyabrından bəri ən aşağı səviyyəyə düşdü və gün ərzində 0.6% azalaraq $1.03 səviyyəsinə enib. Məlumatlar göstərdi ki, iqtisadi blokun əsas xidmətlər sektoru daralır, istehsal isə daha dərin resessiyaya qərq olub.
Bazarlar həmçinin ECB-nin faiz dərəcələrini azaltması ehtimallarını artırıb və dekabr ayında 50 baza bəndi həcmində daha böyük bir azalma ehtimalını 50%-dən çox qiymətləndirir.
PMI göstəriciləri ECB və avro üçün bəlkə də ən vacib məlumat mənbəyidir, “ING” valyuta strateqi Francesco Pesole Reuters-ə bildirib. O qeyd edir ki, “Açıqlamalar demək olar ki, nəzərə alınmayan bir vəziyyətdən siyasət qərarları üçün faktiki kritik bir göstəriciyə çevrilib.”
Banker.az-ın bu xəbərlə əlaqəli analitik yazıları:
-
- Trampın gəlişi Çini çətin duruma salıb: Yuanda sabitlik, yoxsa devalvasiya?
- “Trump 2.0” – Niyə ABŞ dollarının güclənməsi qlobal bazarlarda qeyri-sabitliyə səbəb ola bilər?
- Hamının gözü avro-dollar cütlüyündədir – Vəziyyət bu qədərmi pisdir?
- Trampın qələbəsi avro-dolları paritet (1 avro=1 dollar) səviyyəyə doğru aparır
Avro İsveçrə frankına qarşı da 0.44% ucuzlaşıb. İngiltərə PMI məlumatlarının zəif olmasından sonra funt sterlinqə qarşı əvvəlki ucuzlaşmalarını qismən bərpa edib.
Avro ABŞ dollarına qarşı Donald Trampın ABŞ prezident seçkilərində qalib gəlməsindən sonra zəifləməyə davam edir. Rusiya və Ukrayna arasındakı döyüşlərin eskalasiyası və avrozonanın ən böyük iqtisadiyyatı olan Almaniyada siyasi qeyri-müəyyənlik son həftələrdə valyutanın zəifləməsinə əlavə təzyiq göstərib.
İngiltərə funtu da təzyiq altındadır, $1.257 səviyyəsində 0.5% ucuzlaşıb. Bu, oktyabr ayında İngiltərədə pərakəndə satışların gözləniləndən daha çox azalması və biznes aktivliyinin bir ildən çox müddətdə ilk dəfə daralması fonunda baş verib.
İqtisadi artımın daha da yavaşlamasına dair əlavə işarələr İngiltərə Bankını monetar mövqeyini yumşaltmağa vadar edə bilər.
Altı əsas valyutaya qarşı dolları izləyən indeks 0.43% artaraq 107.5 səviyyəsinə çatıb. Bu, 2022-ci ilin noyabrından bəri ən yüksək səviyyədir.
