İlon Maskın “xAI” startapının dəyəri yeni investisiya raundunda 6 milyard dollar cəlb etdikdən sonra 40 milyard dolları keçib. ABŞ Qiymətli Kağızlar və Birja Komissiyasına (SEC) təqdim edilən sənədlərə əsasən, investisiya raundunda 97 investor iştirak edib.
İnvestisiya məbləğləri müxtəlif olub və 77.593 ABŞ dollarından başlayıb. İnvestorların adları və qazancı açıqlanmayıb, “Bloomberg” yazır.
“xAI”in noyabr ayında maliyyələşdirmə raundu keçirmək planları haqqında “Financial Times” da yazıb. O, startapın dəyərinin 45 milyard dollara çatacağını iddia edib. 2025-ci ilin birinci rübündə “xAI” daha bir investisiya raundu keçirə bilər ki, bunun nəticəsində startapın dəyəri 75 milyard dollara çatacaq.
Maliyyələşdirmənin hər iki mərhələsi Mask və milyarderin seçki kampaniyası zamanı fəal şəkildə dəstəklədiyi ABŞ-nin yeni seçilmiş prezidenti Donald Tramp arasında əlaqələrin möhkəmlənməsi fonunda baş verir. O, Hökumətin Effektivliyi Departamentinin (DOGE) həmsədri vəzifəsinə təyin edilib.
Milyarder dünyanın ən zəngin insanı olaraq qalır, 6 dekabr tarixinə onun sərvəti 343.8 milyard dollar (+1.93%) olaraq qiymətləndirilir. ABŞ-nin “Nasdaq” birjasında “Tesla”nın kotirovkaları dekabrın 5-də ticarətin sonunda 3.23% artaraq 369.49 dollar olub.
