Bu ilin yanvar-noyabr aylarında Azərbaycan 1 117 277 ton buğda idxal edib.
Banker.az Dövlət Gömrük Komitəsinə istinadən xəbər verir ki, bu həcmdə buğdanın dəyəri 241 milyon 94 min ABŞ dolları təşkil edib.
Ötən ilin eyni dövründə isə dəyəri 283 milyon 378 min dollar məbləğində 1 094 975 ton buğda idxal edilib. Bunlar, illik müqayisədə həcm baxımından 2% çox, dəyər baxımından isə 15% azdır.
Hesabat dövründə buğda idxalına çəkilən xərc Azərbaycanın ümumi idxal xərclərinin 1.28%-ni təşkil edib.
