Bu gün Tatarıstan Respublikasının paytaxtı Kazan şəhərində Rusiyanın ilk islam bankı açılacaq.
İslam şəriətinə uyğun maliyyə xidmətləri göstərəcək bank “Tataqroprombank”ın törəmə bölməsi kimi fəaliyyət göstərəcək.
Təsis olunan Bank İslam ölkələrindən Rusiyaya investisiya cəlb etmək niyyətindədir. Yaxın zamanda Səudiyə Ərəbstanında qərarlaşan İslam İnkişaf Bankı ilə əməkdaşlıq müqaviləsinin bağlanacağı gözlənilir.
Bankın xidmətlərindən həm fiziki şəxslər həm də şirkətlər, müxtəlif təşkilatlar yararlana biləcək. İslam Bankçılıq Mərkəzinin il müştərisinin “Zəkat” xeyriyyə fondu olacağı bildirilir.
Mərkəzin ənənəvi banklardan əsas fərqi, belə bankın verilən kredit faizindən imtina etməsi, sələmçilik fəaliyyətinin qadağan edilməsidir.
Həmçinin belə bankların əmanətçiləri dövlətin təyin etdiyi inflasiya faizi istisna olmaqla, əmanətlər üzrə gəlirlər əldə etmir.
Eyni zamanda İslam bankı kreditlərin spirtli içki, tütün , qumar-mərc oyunları və seks-industriyayla bağlı layihələrə ayrılmasını qadağan edir.
Kazandakı İslam Bankçılıq Mərkəzi yanvar ayında Dövlət Dumasında “Banklar və bankların fəaliyyəti” haqqında Rusiya Federasiyası Qanununa edilmiş düzəlişdən sonra təsis olunub.
anspress
