“Kapital Bank” ASC-nin müştərilərdən cəlb etdiyi depozitin 1 yanvar 2025-ci il tarixinə həcmi 8 milyard 978.3 milyon manata çatmaqla tarixi rekorda nail olub və bu xərclərə də təsir edib.
Banker.az xəbər verir ki, bu barədə bankın rüblük maliyyə hesabatında qeyd edilib.
Bu da 2023-cü ildəki 6 milyard 321.6 milyon manat göstəricisi ilə müqayisədə 2 milyard 656.7 milyon manat və ya təxminən 42% artım deməkdir.
Fiziki şəxslərin depozitləri 2024-cü ildə 2 milyard 594.2 milyon manat təşkil edib, bu isə illik müqayisədə 688 milyon manat və ya 36% artım deməkdir.
Hüquqi şəxslərin depozitləri 6 milyard 384.1 milyon manata çatıb və 2023-cü ildəki 4 milyard 415.4 milyon manat göstəricisinə nisbətən 1 milyard 968.7 milyon manat və ya 44.6% artıb.
Bank keçən il müştərilərinə verdiyi depozitlər üzrə faizləri illik müqayisədə 2 dəfə artaraq 166.3 milyon manata yüksəlib. Depozit xərlcərinin ümumi depozitlərə olan nisbəti son bir ildə 1.83 faizdən 1.85 faizə qalxıb.
Bankın ümumi öhdəliklər 2024-cü ildə 10 milyard 444.3 milyon manat təşkil edib, bu isə 2023-cü ildəki 7 milyard 748.3 milyon manat göstəricisi ilə müqayisədə 2 milyard 696 milyon manat 34.8% artıb.
Kredit təşkilatları və digər maliyyə institutları qarşısındakı öhdəliklər 2024-cü ildə 598.9 milyon manat, 2023-cü ildə isə 1 milyard 36.6 milyon manat olub. Bu, 437.7 milyon manat və ya 42.2% azalma deməkdir.
Bank bu arada qiymətli kağızlar bazarında ötən il daha aktiv idi və 2024-cü ildə borc qiymətli kağızları üzrə öhdəliklər 100 milyon manat olub.
Subordinasiya borc öhdəlikləri 2024-cü ildə 263.5 milyon manat təşkil edib, 2023-cü ildə isə 59.5 milyon manat idi.
