Qızıl fyuçersləri təhlükəsiz liman tələbi fonunda yüksələrək tarixi rekordlara yaxınlaşıb.
Banker.az xəbər verir ki, fyuçerslər 0,4% bahalaşaraq troya unsiyası üçün $2 938.9-a çatıb və çərşənbə axşamı sessiyasında qeydə alınan $2 968.5-lik rekorda yaxınlaşıb.
“Swissquote Bank”ın analitiki İpek Özkardeşkayaya görə, ABŞ istiqrazlarının gəlirliliyinin artmasına baxmayaraq, qızılın qiymətində yüksəliş müşahidə olunur.
Ənənəvi olaraq, yüksək gəlirli ABŞ istiqrazları qiymətli metallar üçün mənfi faktor sayılsa da, bu əlaqə pozulub. Böyük alıcılar, o cümlədən mərkəzi banklar, adətən etibarlı investisiya sayılan ABŞ borc kağızlarını sataraq onları qızıl ilə əvəz edirlər.
Spot qızılın unsiya başına $3 000 səviyyəsinə çatması müəyyən mənfəət götürmə əməliyyatlarına və qısa mövqe açmaq üçün taktiki fürsətə səbəb ola bilər. Lakin orta və uzunmüddətli perspektivdə qızılın bahalaşması gözlənilir.
“Əgər Bitcoin $100,000-a yüksələ bilərsə, qızıl da öz yoluna davam edərək… unsiya üçün $4,000-a çata bilər” deyə, Özkardeşkaya əlavə edir.
